幫家中老人家做健康檢查，你都可以做得到！

隨著狗狗年齡增長，身體各方面機能衰退，會出現各種健康問題。奴材其實平日注意一點，有機會早D察覺到問題，及早就醫。接連幾天會為大家分享可以輕鬆在家中做到既健康檢查及要注意既地方。

第一堂係量脈搏：

幫狗狗量心跳數可以及早發現狗狗潛在循環系統疾病。如圖既方法幫狗狗量度心跳，狗狗的正心跳大1分鐘大約100下，如發現在120下以產，最好

帶狗狗到診所檢查一下。

第二堂牙肉檢查：

檢查牙肉有咩用呀？其實檢查牙肉也可以知道狗狗既循環系統是否健康。方法只需用手指輕安狗狗牙肉，正常情況下當鬆開手指狗狗牙肉就好快由白白變回紅色。但如果循環系統有問題既狗狗，需要更多時間才回變回紅色，咁最好帶毛孩去睇睇醫生啦，因為好可能循環系統有問題或有貧血問題。

第三堂牙齒檢查：

狗狗既牙齒如果發黃，有出血或口臭等症狀，狗狗或許是患上牙周病。牙周病可致狗狗牙齒掉落或引致其他疾病。所以要經常為狗狗檢查及清潔牙齒。

第四堂皮膚檢查：

幫狗狗做皮膚檢查，除左要睇下佢有冇皮膚問題如濕疹，乾燥等常見問題，亦可能可以及早發現其他問題。 其中檢查時，撿起狗狗頸後的皮膚，拉起後皮膚立即彈回便是正常的，但如果它久久不容易回復原狀，狗狗可能會是懷疑脫水。另如果檢查觸摸時有腫塊，狗狗則存在腫瘤風險，最好即刻帶狗狗睇醫生。

第五堂注意狗狗行路：

狗狗行路既狀況，也可以反映狗狗健康狀況。如狗狗唔肯行自己行，狗狗既關節可能有問題，很大機會是患上關節炎。另外，如果狗狗行兩步就覺得好攰，咁狗狗循環系統可能有問題，最好即刻帶狗狗睇醫生。

第六堂注意狗狗尿尿：

老人家多多少少或有排尿問題，但如發現狗狗突然間尿尿變得頻密，尿量增加，飲水又多左，狗狗有機會患上腎不全，腎障害，糖尿病等嚴重疾病，最好即刻帶狗狗睇醫生。

最後一堂注意狗狗體種：

同人一樣，肥胖是狗狗多種疾病的成因，如發現狗狗過重，就要如醫生商討一下減肥計劃。另外如發現狗狗體重短時間內急減，也應該立即找醫生檢查一下。